თარგმანი: იხილე კეთილად შეწყობილებაჲ სიტყუათა ამათ მოციქულისათაჲ, ვითარ ცოლი დაამორჩილა ქმარსა, ხოლო შვილნი — ზოგად ორთავე —მამასა და დედასა; და მორჩილებასა მას უბრძანებს უფლისა მიერ. ესე იგი არს უფლისა მიერი მორჩილებაჲ, რაჟამს არარას ესევითარსა ზედა ერჩდენ, რომელი დამჴსნელ იყოს ღმრთისმსახურებისა, ვითარმცა მეძავ ჰყოფდეს ასულსა ანუ სიბილწის საქმედ განსცემდეს ძესა, გინათუ კერპთმსახურ ანუ მწვალებელ ჰყოფდეს. ესევითარი იგი მორჩილებაჲ არა უფლისა მიერ არს, არამედ რაჟამს თჳნიერ სულისა სავნებელისა სხუასა ყოველსავე ზედა მორჩილ იყვნენ შვილნი მამა-დედათა, — ესევითარი იგი მორჩილებაჲ უფლისა მიერ არს, და სამართალ არს, ვითარცა განშორებული უსამართლოებისაგან, რომელ არს წინააღდგომაჲ ღმრთისაჲ.
ეფესელთა მიმართ 6:1
1. შვილებო, დაემორჩილეთ თქვენს მშობლებს უფალში, რადგანაც ეს სამართლიანია.2. „პატივი ეცი მამას შენსას და დედას“, ესაა პირველი მცნება აღთქმით, -
ეფესელთა მიმართ თავი 6