...რიცხოვან სულებშიც იძულებულია ბევრ რამეში შეცდეს, არა როგორც სურს, არამედ ან იმიტომ, რომ არ იცის, ან იმიტომ, რომ რაიმეს გამოსწორება უნდა, ბევრად უფრო ჩვენ, ამხელა დასის წინამძღოლნი. და კიდევ: „უფალმა გაგამრავლოთ თქვენ და გაკურთხოთ თქვენ, მცირენი დიდებთან ერთად" ().1 რამეთუ თუმცა სიმრავლისგან დიდი ზრუნვა იშვება, მაინც არ ვწყვეტთ ლოცვას, რომ ეს ზრუნვა გაგვემრავლოს, ეს სიმრავლე მოემატოს, მრავალგზის გამრავლდეს და ურიცხვი გახდეს. რამეთუ მამებიც, თუმცა მრავალშვილიანობისგან ხშირად იტანჯებიან, მაინც არავის მოშორება არ სურთ.
ყოველივე ჩვენთვისაც და თქვენთვისაც თანასწორია, თვით სიკეთეთა საფუძვლებიც კი. მე მეტი სიუხვით და თქვენ ნაკლებით კი არ ვეზიარებით წმიდა ტრაპეზს, არამედ ორივენი ერთნაირად ვეხებით მას. თუ მე პირველი ვარ, ეს დიდი არაფერია, რადგან შვილებს შორისაც უფროსი პირველი იწვდის ხელს სუფრისკენ, მაგრამ ამის გა...