3.დაუყენე, უფალო, გუშაგი ჩემს პირს, დაცვა - ჩემს ბაგეებს.4.არ გადაახვევინო ჩემს გულს ავი სიტყვის მხარეს ბოროტ საქმეთა ჩასადენად უსჯულო კაცებთან ერთად, და ნუ ვიგემებ მათს ტკბილეულობას.5.დაე, დამსაჯოს მართალმა, წყალობაა და მამხილოს. ზეთი თავისა არ ავნებს ჩემს თავს, რადგან კვლავაც ჩემი ლოცვა მათი ბოროტების წინააღმდეგ არის მიმართული.
ჩვენი უფლის იესო ქრისტეს მადლითა და კაცთმოყვარეობით, რომლის თანა მამასა, სულიწმიდითურთ, დიდება, ძალა, პატივი, აწ და მარადის და უკუნითი უკუნისამდე. ამინ.
...შის მიცემის ძრწოლაა და სასჯელის გარდაუვალობაა; ხოლო იმისთვის, რომ საკუთარი გაფანტულობის უგუნური საბაბი მოიგონო, ამბობ, სარგებელს ვიღებო იქ, სადაც უნუგეშო ზიანს ითმენ? ნუ, გთხოვთ და გემუდარებით, ნუ მოვიმიზეზებთ იმას, რასაც ფსალმუნი „მიზეზებად მიზეზთა ცოდვისათა“ უწოდებს (); ეს ხომ თავისმართლება და სიცრუეა, რომელიც ჩვენივე თავისთვის საზიანოს წარმოშობს.მაგრამ ამის შესახებ ესეც საკმარისია; ახლა დროა უწინდელ შეგონებას დავუბრუნდეთ და ამაზე მცირედის თქმის შემდეგ სიტყვას შესაფერისი დასასრული დავადოთ.რადგან აქ მხოლოდ უწესრიგობის საქმეები კი არ ტრიალებს, არამედ სხვა მძიმე სენიც დადის. რომელი სენი?ის, რომ ადამიანებს განზრახული აქვთ ღმერთთან საუბარი და მას დიდებისმეტყველებას აღუვლენენ, შემდეგ კი მას ტოვებენ, თითოეული თავის მოყვასს განზე გაიყვანს და შინაურ საქმეებს, ბაზარში მომხდარს, ხალხში მომხდარს, თეატრებში მომხდარს, ჯარში მომხდარს განიხილავს, როგორ წარიმართა ეს, როგორ უგულებელყოფილ იქნა ის, რა არის საქმეში ჭარბი და რა არის ნაკლული; მოკლედ, აქ ყველა საზოგადოებრივსა და კერძო საქმეზე საუბრობ...