📋 სარჩევი
პავლესი: პირი ჩუენი აღებულ არს თქუენდა მიმართ, კორინთელნო (6,11).
თარგმანი: ვერ თავს-ვიდებთ, რაჲთამცა დავიდუმეთ, არამედ მარადის გეტყჳთ უმჯობესსა და კეთილსა კადნიერებით, ვითარცა საყუარელთა.
პავლესი: გული ჩუენი განვრცომილ არს (6,11).
თარგმანი: არა თუ პირითა ოდენ მიყუართო, არამედ ყოვლითა გულითა ჩემითა და გონებითა.
პავლესი: ყოველნი შეიწრებულ ხართ ნაწლევთაგან თქუენთა (6,12).
თარგმანი: ესე იგი არს, ვითარმედ მრავალნი თქუენ თანა მყოფნი არა კეთილსა გასწავლიან.
პავლესი: განვრცენით თქუენცა (6,13).
თარგმანი: შემიყუარეთ თქუენცა, ვითარცა-ესე მე მიყუართ.