1 კორინთელთა მიმართ 10:23

თარგმანი: რაჲთა არავინ თქუას, ვითარმედ: მე წმიდითა სჳნიდისითა ვჭამ და ჴელ-მეწიფების ქმნაჲ ამისი, — ამისთჳს ეტყჳს: ჰე, თჳთმფლობელად შეუქმნიხარ ღმერთსა ყოფად, რაჲცა გენებოს; არამედ არა გიჴმს ქმნად ეგევითარი, რომლითა მიზეზ ექმნე სხუასა ზიარებად კერპთა ტაბლისა.

...ჩვენი ცხოვრების კეთილდღეობა დამოკიდებული. ამიტომ სხვა ეპისტოლეშიც ამბობს: „ნუ თავისა თჳსისასა ხოლო კაცად-კაცადი თქუენი ეძიებნ, არამედ მოყუსისაცა თჳთოეული თქუენი" (ფილიპ 2:4); და კიდევ სხვაგან: „ყოველივე ჯერ-არს ჩემდა, არამედ... არა ყოველი აღმაშენებელ არს" (1 კორ 10:23). ხედავ მოციქულებრივ სიბრძნეს? თუმცა შემეძლო, ამბობს, რაღაცის გაკეთება, და ეს ჩემთვის არაფერს ავნებს, მაგრამ მე ამის უფლებას თავს არ მივცემ, რადგან ეს მოყვასის აღშენებას არ ემსახურება. აჰა, მოყვარული სული! აჰა, როგორ ზრუნავს იგი არა მხოლოდ თავის თავზე, არამედ ყველაფერში უდიდეს სათნოებას ავლენს, რომელიც მოყვასის აღშენებაზე მზრუნველობაში მდგომარეობს. ეს ყველაფერი რომ ვიცით, გთხოვთ, ვიფრთხილოთ და თავი შევიკავოთ იმისგან, რამაც შეიძლება თქვენი სათნოების სიმდიდრეს ზიანი მიაყენოს; არასოდეს ვქმნათ ისეთი რამ, რაც მოყვასს ავნებს. ეს ცოდვას ზრდის და უფრო მძიმე სასჯელს გვიმზადებს. ნუ უგულებელვყოფთ თუნდაც უმცირეს ადამიანს და ნუ ვიტყვით ისეთ სასტიკ სიტყვებს: „რა მოვალეობა მაკისრია, თუ ის შესცდება?" რას ამბობ? — მითხარი. რა მოვალეობა გაკისრია? ქრისტემ ისეთი სუფთა ცხოვრება გიბრძანა, რომ შენი მხილველნი არა მხოლოდ შენ აღგტაცებოდნენ, არამედ შენს...