თარგმანი: მრავალსახეობასა იტყჳს ჴმათასა ესოდენობითა, რამეთუ მრავალნათესავობაჲ ჴმათაჲ იხილვების სოფელსა შინა, და არცა ერთი ვინ არს უჴმო სულიერთა გინა უსულოთა პირმეტყუელთა ანუ პირუტყუთა შორის.
1 კორინთელთა მიმართ 14:10
9. ეგრეთცა თქუენ ენისა მიერ უკუეთუ არა-გამოცხადებულად სიტყუაჲ იგი გამოსცეთ, ვითარ საცნაურ იქნეს თქუმული იგი? რამეთუ იყვნეთ, ვითარცა ჰაერსა მეტყუელნი.10. ესოდენნი სახენი თესლადნი ჴმათანი არიან სოფელსა შინა და არცა ერთი მათგანი არს უჴმო.11. უკუეთუ არა ვიცოდი ძალი იგი ჴმისაჲ მის, ვიყო მე მეტყუელისა მის ჩემისა ვითარცა სხუაჲ ენაჲ, და რომელი-იგი მეტყოდის მე - ვითარცა სხუაჲ ენაჲ.
1 კორინთელთა მიმართ თავი 14