...ათქვამია: „გული შემუსრვილი და დამდაბლებული ღმერთმან არა შეურაცხ-ყოს“ (). მაგრამ, იტყვის ვინმე, წინასწარმეტყველი მოგვიწოდებს, დიდებისმეტყველება ღაღადებით აღვასრულოთ, რადგან ამბობს: „შეჰღაღადე უფალს, მთელო ქვეყნიერებავ!“ (). მაგრამ არც ჩვენ ვკრძალავთ ამგვარ ღაღადებას, არამედ უაზრო ხმაურს; არც ქების ხმას ვკრძალავთ, არამედ უწესრიგობის ხმას, ერთმანეთთან დავას, ჰაერში ფუჭად და ამაოდ აღმართულ ხელებს, მოუსვენრად მოხტუნავე ფეხებს, უწესო და დაშლილ ქცევებს, რომლებიც თეატრებსა და იპოდრომებზე მოცლილთა გასართობებია. იქიდან შემოგვეპარება ეს დამღუპველი სწავლებანი, იქიდან მოდის ეს კრძალულებას მოკლებული და მდაბიური ხმები, იქიდან ხელების უწესრიგობანი, დავები, შუღლები და უწესრიგო ქცევები.
4.
რადგან ღვთის სიტყვების უგულებელყოფისკენ არაფერი ისე არ განაწყობს ადამიანს, როგორც იქაური სანახაობებით გამოწვეული გონების გაფანტვა. ამიტომ ბევრჯერ შეგაგონეთ, რომ აქ მოსულთაგან, საღვთო სწავლებით დატკბობილთაგან და საშინელ და სა...