...ტივი მოჰყვა მის აღსრულებულ საქმეებს: რომ მას ძვირფას ტაძრებში თაყვანს სცემენ. რადგან ძველად სწორედ სპილოსძვალი იყო განსაკუთრებით ძვირფასი და დიდად სასურველი. ამიტომ სხვა წინასწარმეტყველიც ამბობდა: „მძინარნი ცხედართა ზედა პილოჲძუალედთა“ (). და კვლავ აჩვენებს, რომ ქადაგება მხოლოდ უბრალო ადამიანებს კი არ შეეხება, არამედ სამეფოებსაც დაიმორჩილებს, და ისინი მისთვის ძვირფას სახლებს აღაშენებენ. ეს უკვე საქმითაც ჩანს, რომ ხდება. რადგან წინასწარმეტყველი, ქადაგების ძალის საჩვენებლად, ამბობს, როგორ დაიპყრო და როგორ დაიმორჩილა ქალები, უბრალო კაცები, მდიდრები, თვით გვირგვინშემოსილნი და მათი მეუღლეებიც, ისე რომ ყველგან ღმერთს ტაძრები აუგონ. შემდეგ, რადგან სიტყვა უკვე აქამდე მივიდა, მას უფრო ფართოდ ქსოვს და მის მსახურებსა და მვედრებლებს აღწერს.
იგი აჩვენებს, როგორ დაემორჩილნენ ხალხები, როგორ შეეხო მათ გულს, როგორ სძლია მტრებს, როგორ წარუმართა მას მისმა მარჯვენამ, როგორ დანერგა ჭეშმარი...