1 თესალონიკელთა მიმართ 5:4

...მთელ დედამიწას ერთგვარი სქელი ბურუსი, წყვდიადი და ღრუბელი გადაჰფენია; ამის საჩვენებლად მოციქული ამბობდა: „რამეთუ იყვენით ოდესმე ბნელ,“ (ეფეს 5:8) და კვლავ: „ხოლო თქუენ, ძმანო, არა ხართ ბნელსა შინა, რაჲთა დღე იგი ვითარცა მპარავი გეწიოს თქუენ.“ (1 თეს 5:4). ვინაიდან, ასე ვთქვათ, უმთვარო ღამეა და ამ ღამეში დავდივართ, ღმერთმა მოგვცა ნათელი ლამპარი, როდესაც ჩვენს სულებში სულიწმინდის მადლი აანთო. მაგრამ ამ ნათელს ზოგიერთებმა მიიღეს და უფრო ბრწყინვალე და ნათელი გახადეს, როგორებიც იყვნენ პავლე, პეტრე და ყველა ის წმინდანი; სხვებმა კი ჩააქრეს, როგორც ხუთმა ქალწულმა, როგორც მათ, ვინც რწმენაში ხომალდის მსხვრევა განიცადა, როგორც კორინთოში სიძვაში ჩავარდნილმა და როგორც გზიდან აცდენილმა გალატელებმა. ამიტომ ახლა პავლე ამბობს: „სულსა ნუ დაავსებთ.“ (1 თეს 5:19), ესე იგი, ნიჭს; რადგან მას ჩვეულებად აქვს სულის ნიჭს ასე უწოდოს. მას კი უწმინდური ცხოვრება აქრობს. როგორც...

...„და ვერ განერნენ.“ (1 თეს 5:3) შემდეგ კი, რათა ეჩვენებინა, რომ ამას მათ შესახებ არ ამბობს, დაუმატა: „ხოლო თქუენ, ძმანო, არა ხართ ბნელსა შინა, რაჲთა დღე იგი ვითარცა მპარავი გეწიოს თქუენ.“ (1 თეს 5:4)

3. ნათლის შვილთა სიფხიზლე და საჭურველი

აქ მოციქული ბნელსა და შებილწულ ცხოვრებას გულისხმობს. რამეთუ როგორც ღამით აკეთებენ ყოველივეს ბილწნი და უკეთურნი ადამიანები, ყველას თვალს ემალებიან და საკუთარ თავს ბნელში კეტავენ. მითხარი აბა, განა მრუში საღამოს არ ელოდება? და განა მპარავი ღამეს არ ელოდება? განა საფლავის გამტეხს მთელი თავისი საქმე ღამით არ აქვს? მაშ, რა? განა დღე მათაც მპარავივით არ ეწევა? განა მათთვისაც შეუმჩნევლად არ წამოადგება? მაგრამ განა წინასწარ იციან?...