...ვინც ნათლის საქმეებს აკეთებენ. „და არა ვართ ღამისანი, არცა ბნელისანი“ ().
ამრიგად: „აწ უკუე ნუმცა გუძინავს, ვითარცა-იგი სხუათა, არამედ მღჳძარე ვიყვნეთ და განვიფრთხოთ“ (). „რამეთუ რომელთა-იგი სძინავნ, ღამე სძინავნ, და რომელნი-იგი დაითრვნიან, ღამე დაითრვნიან“ (); ხოლო „ჩუენ, რამეთუ დღისანი ვართ ნაშობნი, განვიფრთხოთ“ (). აქ აჩვენებს, რომ დღეში ყოფნა ჩვენზეა დამოკიდებული. აქ კი, ამ დღესა და ამ ღამეზე ვამბობ, ჩვენზე არ არის, არამედ ჩვენი ნების წინააღმდეგაც მოდის ღამე და ჩვენს უნებურად ძილი წამოგვადგება; ხოლო იმ ღამისა და იმ ძილის შესახებ ასე აღარ არის, არამედ შესაძლებელია მუდამ მღვიძარება, შესაძლებელია მუდამ დღის გატარება. რამეთუ სულის თვალების დახუჭვა და ბოროტებისგან მომავალი ძილის მოწევა ბუნების საქმე არ არის, არამედ არჩევანისა....