დაბადება 12:4

...ში თავის ღვთისმოყვარე სულს ავლენს. პატრიარქის მთელ სათნოებას ნათლად დავინახავთ, როცა შევიტყობთ, რამდენი დრო გავიდა ამ ხნის განმავლობაში. ამას გვიჩვენებს ნეტარი მოსე, სულიწმინდით შთაგონებული. რას ამბობს იგი? როცა აბრაამმა ღვთის ბრძანება მიიღო და ხარანიდან ქანაანის მიწისკენ გაემართა, მაშინ სამოცდათხუთმეტი წლის იყო (დაბ 12:4). და როგორც კი ქანაანის მიწაზე შევიდა, ღმერთმა აღუთქვა მთელი ეს მიწა მისთვის და მისი შთამომავლობისთვის, და ისე გაემრავლებინა მისი მოდგმა, რომ იგი აურაცხელი ყოფილიყო, ქვიშასა და ვარსკვლავებს ედარებოდა. ამის შემდეგ ბევრი რამ მოხდა მართალთან: შიმშილის გამო ეგვიპტეში წასვლა, სარას მოტაცება და მაშინვე გამოვლენილი ღვთის განგება, შემდეგ, დაბრუნების შემდეგ, სარას შეურაცხყოფა გერარის მეფისგან და ღვთის მყისიერი შეწევნა. მართალი, ხედავდა რა ყოველივე ამას აღთქმის მიღების შემდეგ, არ შეირყა სულით და არ გამოიკვლევდა, რატომ ასეთი აღთქმების მიღების შემდეგ ყოველდღე ამდენ და ასეთ მძიმე გამოცდებს ექვემდებარება და ამდენ ხანს უშვილოდ რჩება; არამედ, როგორც ღვთისმოსავი კაცი, არ ბედავდა ღვთის საქმეები თავისი უძლური გონების სამსჯავროზე გამოეტანა, მშვიდად იყო და ყველაფერს ღვთისთვის სათნოს სიმშვიდით იღებდა.

2. ღვთის აღთქმა და აბრაამის სახელის შეცვლა (...

...ზადყოფნით გაცვალა სახლის ცხოვრება მწირობაზე. შემდეგ, რათა ვიცოდეთ, რომ უფალმა ეს პატრიარქს არა ახალგაზრდობაში უბრძანა, არამედ მაშინ, როცა უკვე სიბერეში იყო, როცა ადამიანები უმეტესად მოგზაურობის მიმართ საკმაოდ გულგრილნი არიან, წერილი ამბობს: „ხოლო აბრაამ იყო წლისა სამეოცდაათხუთმეტისა, რაჟამს გამოვიდა ხარანით" (დაბ 12:4). ხედავ, როგორ არც ასაკმა, არც სხვა რაიმემ, რაც სახლთან შეიძლებოდა მიებოჭა, ხელი ვერ შეუშალა; პირიქით, ღვთისადმი სიყვარულმა ყველაფერზე გაიმარჯვა. ასეა, როცა სული ფხიზელი და ყურადღებიანია, ყველა დაბრკოლებას ძლევს, მთელი არსებით სატრფო საგნისკენ მიისწრაფვის, და რა სიძნელეებიც არ უნდა შეხვდეს, ვერაფერი ვერ შეაჩერებს, არამედ ყველაფერს გვერდს უვლის და მანამ არ ჩერდება, სანამ სანატრელს არ მიაღწევს. აი, რატომ ეს მართალიც, თუმცა სიბერესა და სხვა მრავალ დაბრკოლებას შეიძლებოდა შეეჩერებინა, მაინც ყველა ბორკილი გაწყვიტა და, როგორც ფხიზელი და ხელშეუშლელი ახალგაზრდა, იჩქარებოდა და ესწრაფოდა უფლის ბრძანების აღსრულებას. მართლაც, შეუძლებელია ვინმემ, ვინც რაიმე დიდებულისა და მამაცურის აღსრულება გადაწყვიტა, ეს შეასრულოს, თუ წინასწარ არ აღიჭურვა ყველაფრის წინააღმდეგ, რასაც ასეთი წამოწყებისთვის ხელის შემშლელობა შეუძლია. ამას კარგად იცოდა მართალიც დ...