დაბადება 4:12

შენიშნე, საყვარელო, წყევლის განსხვავება. ნუ გამოტოვებ ამას უყურადღებოდ, არამედ წყევლის სიმძიმით განსაჯე დანაშაულის სიმძიმე. რამდენად მძიმეა ეს ცოდვა (კაინისა) პირველქმნილის (ადამის) ურჩობასთან შედარებით, ეს მსურველს წყევლის განსხვავებიდან შეუძლია დაინახოს. იქ (უფალმა) თქვა: „წყეულ იყავნ ქუეყანა საქმეთა შინა შენთა" (დაბ 3:17) და წყევლა მიწაზე გადაანთხია, თვით ადამიანზე მზრუნველობის გამო; აქ კი, რადგან საქმე დამღუპველია, თავხედობა შეუწყნარებელია, დანაშაული მიუტევებელი, თვით ექვემდებარება წყევლას: „წყეულ იყავ შენ, — ამბობს, — ქუეყანისაგან". ის თითქმის ისევე მოიქცა, როგორც გველი, რომელიც ეშმაკური ჩანაფიქრის იარაღი იყო; როგორც გველმა მოტყუებით სიკვდილი შემოიყვანა, ისე კაინმაც, ძმა რომ მოატყუა და ველზე გაიყვანა, ხელი მის წინააღმდეგ შეიარაღა და მკვლელობა ჩაიდინა. ამიტომ, როგორც გველს უთხრა უფალმა: „წყეულ იყავ შენ ყოველთაგან პირუტყუთა და ყოველთაგან მჴეცთა ქუეყანისა ზედათა" (დაბ 3:14), ისე ამასაც, რადგან მსგავსად მოიქცა. როგორც ეშმაკმა, შურითა და...

...სჯის. ასე მოიქცა კაენის შემთხვევაშიც. სულმა შესცოდა, რადგან მკვლელობა ჩაიდინა, და მისი სხეული მოეშალა. როგორ? მოისმინე: „იწროებით და ძრწოლით იყო ქუეყანასა ზედა“ (დაბ 4:12). და კაენი დადიოდა, ყველას ესაუბრებოდა, დუმილით ხმას გამოსცემდა და უხმობით ასწავლიდა. ენა დუმდა, ხოლო სხეულის ასოები ღაღადებდნენ და ყველას უხსნიდნენ, რატომ კვნესოდა და რატომ ძრწოდა: „ძმა მოვკალი, მკვლელობა ჩავიდინე“. ამის შემდეგ მოსე ამას ასოებით ამბობდა, კაენი კი საქმეებით დადიოდა და ყველას ეუბნებოდა: „არა კაც-ჰკლა,“ (გამ 20:13).

იხილე მდუმარე პირი და ღაღადებელი საქმე? იხილე ცოცხალი სჯული, რომელიც ყველგან მიმოდიოდა? იხილე მოსიარულე სვეტი? იხილე სასჯელი, რომელიც პატივის წართმევად იქცა? იხილე...