დაბადება 6:2

...ა იყო: არა, მას ესოდენ ცხოველისა და მათი საკვების მზრუნველობაც ეკისრებოდა. მაგრამ მოიცადე ცოტა და დაინახავ ღვთის სახიერებას — როგორ ამსუბუქებს მართალზე დაკისრებულ მზრუნველობას. „ხოლო შენ მიიღო თავისა შენისად ყოველთაგან ჭამადთა, რომელთა... სჭამთ და შეჰკრიბო თავისა შენისა თანა და იყოს შენდა და მათდა საზრდელად" (დაბ 6:21), — ამბობს ღმერთი. ნუ იფიქრებ, ამბობს, თითქოს ჩემი მზრუნველობის გარეშე დარჩები. აი, ვბრძანებ, რომ კიდობანში შეიტანო ყველაფერი, რაც თქვენი საკვებისთვისაც საჭიროა და ცხოველთა საზრდელისთვისაც, რათა არც თქვენ იშიმშილოთ და ნაკლებობა გქონდეთ, და არც ცხოველები დაიღუპონ თავიანთი საკვების უქონლობის გამო. „და ქმნნა ნოე ყოველნი, რაოდენნი ამცნო მას უფალმან ღმერთმან, ეგრეთ ქმნნა" (დაბ 6:22). აი, კვლავ აქაც დიდი ქება (მართლისადმი). „ქმნნა ნოე ყოველნი, რაოდენნი ამცნო მას უფალმან ღმერთმან", — ნათქვამია. არა ის, რომ ერთი ბრძანება აღასრულა და მეორე უყურადღებოდ დატოვა; არა, ყველაფერი გააკეთა, რაც ნაბრძანები იყო, და „ეგრეთ ქმნნა", როგორც ნაბრძანები იყო. არაფერი გამოტოვა, არამედ ყველაფერი აღასრულა და თვით საქმით დაამტკიცა, რომ სამართლიანად ღირსეული გახდა უფლის კეთილგანწყობისა. რა გვირგვინებს გაუტოლდე...

...მატა: „და ასულნი იშვნეს მათდა", არამედ იმიტომ, რომ ხალხის დიდი გამრავლების შესახებ წარმოდგენა მოგვეცა. სადაც ასეთი დიდი რაოდენობის ფესვია, იქ აუცილებლად ბევრი ტოტიც იზრდება. „ხოლო იხილნეს რაჲ ძეთა ღმრთისათა ასულნი კაცთანი, რამეთუ შუენიერ არიან, მიიყვანეს თავთა თჳსთა ცოლებად ყოველთაგან, რომელნი გამოირჩინეს" (დაბ 6:2). თითოეული ეს სიტყვა ყურადღებით განვიხილოთ, რათა სიღრმეში დამალული არაფერი გამოგვრჩეს. მართლაც, საჭიროა ეს ადგილი გულმოდგინედ გამოვიკვლიოთ და უარვყოთ იმათი უაზრო ლაყბობა, ვინც ყველაფერზე დაუფიქრებლად ლაპარაკობს. და პირველ ყოვლისა, უნდა ვაჩვენოთ, რას ბედავს ეს ხალხი, როცა ამას ამბობს, და მათი სიტყვების უაზრობის გამომჟღავნების შემდეგ ავუხსნათ, საყვარელნო, წერილის ჭეშმარიტი აზრი, რათა გულუბრყვილოდ არ უსმინოთ მათ, ვინც მგმობარ სიტყვებს წარმოთქვამს და საკუთარი თავის საზიანოდ ბედავს ლაპარაკს. ისინი ამბობენ, თითქოს ეს ადამიანებზე კი არ ყოფილა ნათქვამი, არამედ ანგელოზებზე; მათ, ანგელოზებს, ძენი ღმრთისანი უწოდა წერილმა. მაგრამ, პირველ ყოვლისა, მათ აჩვენონ, სად ჰქვია ანგელოზებს ძენი ღმრთისანი: ამას ვერსად აჩვენებენ. ადამიანებს ეწოდებათ ძენი ღმრთისანი, ანგელოზებს კი — არასოდეს. ანგელოზების შესახებ წერილი ამბობს: **„რომელმან შექმნა ანგელოზ...