2 კორინთელთა მიმართ 1:11

თარგმანი: იხილე, ვითარ ყოველი ცხორებაჲ პავლესი განმზადებაჲ იყო ჭირთა და განსაცდელთა შემთხუევისა და მოლოდებისათჳს, რომელთაგან ჴსნასა გულპყრობილ არს. ამას თანა —სიმდაბლეცა გონებისა მისისაჲ; ვითარ კორინთელთა ლოცვისა თანაშემწეობასა ითხოვს, ერთბამად ორთა განმსწავლელად: მოძღუართა, ვითარმედ: უჴმს ლოცვაჲ მოწაფეთაჲ; და მოწაფეთა — ვითარმედ: თანამდებ არიან ლოცვად მოძღუართათჳს.

...ს საქმეებზე ვზრუნავთ. ევედრეთ თითოეული, პირადადაც და ერთადაც.

იხილე პავლე, რომელიც ამბობს: „თანა-შეწევნითა ლოცვათა თქუენთაჲთა ჩუენთჳს, რაჲთა მრავლითა პირითა ჩუენდა მომართი იგი მადლი მრავალთა მიერ სამადლობელ იქმნას თქუენთჳს." (2 კორ 1:11); ესე იგი, რათა მრავალთ მისცეს მადლი. თუ ადამიანთა შორის ხალხი მივიდა და სასიკვდილოდ წაყვანილი მსჯავრდებულნი გამოითხოვა, მეფემ კი სიმრავლისგან მორიდებულმა თავისი განაჩენი შეცვალა, გაცილებით მეტად ღმერთიც მოილბობა თქვენით, არა სიმრავლის გამო, არამედ სათნოების გამო. რამეთუ სასტიკი მტერი გვყავს. რამეთუ თქვენგან თითოეული თავისას ზრუნავს და ფიქრობს, ჩვენ კი ერთად ყველასას; ბრძოლის იმ ნაწილში ვდგავართ, რომელიც იტანჯება. ეშმაკი უფრო სასტიკად იარაღდება ჩვენს წინააღმდეგ. რამეთუ ომებშიც მოწინააღმდეგე უწინარეს ყოვლისა მხედართმთავრის დამხობას ცდილობს. ამიტომ იქ ყველა თანამებრძოლი მირბის; ამიტომაც დიდი ხმაური დგება,...

...უ უწყი, ვითარმედ ესე მექმნას მე საცხორებელად თქუენითა ვედრებითა და შეწევნითა სულისა ქრისტე იესუჲსითა“** (ფილიპ 1:19); და კვლავ: „თანა-შეწევნითა ლოცვათა თქუენთაჲთა ჩუენთჳს, რაჲთა მრავლითა პირითა ჩუენდა მომართი იგი მადლი მრავალთა მიერ სამადლობელ იქმნას თქუენთჳს“ (2 კორ 1:11). შენ კი ამბობ: „რად მჭირდება ლოცვა?“

ხოლო თუ უქმად ვართ, ვერცერთი მლოცველი ვერ შეძლებს, სარგებელი მოგვიტანოს. რა არგო იერემიამ იუდეველებს? განა მესამედ არ მივიდა ღმერთთან და მესამედ არ მოისმინა ეს აკრძალვა: „და შენ ნუ ილოცავ მწედ ერისა ამის და ნუ იოხ შეწყალებად მათდა, და ნუ ილოცავ და ნუ მოხუალ ჩემდა ამათთჳს, რამეთუ არა ვისმინო“ (იერ 7:16)⁴? რა არგო საულს სამუელმა? განა უკანასკნელ დღემდე არ გლოვობდა მასზე და უბრალოდ ლოცვით კი არ შემოიფარგლებოდა?...