SASOEBA.GE
განმარტებებისჯულის კანონიხმოვანი ბიბლიოთეკარჩეულები
მონიშნეთ წიგნი
თავი
თარგმანი

გალატელთა მიმართ 4:24

23. არამედ მჴევლისაგანი იგი ჴორციელად შობილი იყო, ხოლო აზნაურისაჲ იგი - აღთქუმისაგან.24. რომელი-იგი არს იგავად, რამეთუ ესე არიან ორნი შჯულნი: ერთი იგი სინა მთით, შობილი მონებად, რომელ არს აგარ.25. რამეთუ აგარ სინა მთაჲ არს არაბიას, ხოლო თანა-შეეტყუების ამას იერუსალჱმსა, რამეთუ ჰმონებს იგი შვილთა მისთა თანა.
გალატელთა მიმართ თავი 4
24. რომელი-იგი არს იგავად, რამეთუ ესე არიან ორნი შჯულნი: ერთი იგი სინა მთით, შობილი მონებად, რომელ არს აგარ.
თავი თ̂. ვითარმედ, რომელთა აზნაური იგი ცოლი აბრაჰამისი და ჭეშმარიტი ძე სახე-გუექმნნეს, არა ჯერ-არს დამონებაჲ შჯულისაჲ
გალატელთა მიმართ 4:21-30
წმინდა იოანე ოქროპირი
მთ: წმინდა ეფრემ მცირე
რედ: Titus
მოციქულისაჲ: რომელი-იგი არს იგავად, რამეთუ ესე არიან ორნი შჯულნი (4,24).:

თარგმანი: ესრეთ იტყჳს, ვითარმედ თხრობაჲ იგი მართა მათ ძუელთა საქმეთაჲ სახედ და იგავად შემოიღებვის ორთა შჯულთა — ძუელისა და ახლისა.

გალატელთა მიმართ ეპისტოლე თავი 4
გალატელთა მიმართ 4:3, 4:10, 4:13-14, 4:17, 4:20, 4:24-26
წმინდა იოანე ოქროპირი
მთ: ღირსი ექვთიმე ათონელი
რედ: Titus
პავლესი: რომელი-იგი არს იგავად (4,24).:

თარგმანი: ესე იგი არს, ვითარმედ ჩუენისა ამის საქმისა მომართ გულისხმა-იყოფებიან და ვითარცა ისაკ იშვა აღთქუმითა, ეგრეთვე ჩუენ აბრაჰამის შვილ ვიქმნენით მადლითა ქრისტესითა, და უკუეთუ ვიდევნებით, ნუ გიკჳრს, რამეთუ მაშინცა ჭეშმარიტი იგი შვილი ისაკ მჴევლისაგანისა მის მიერ იდევნებოდა.

დამოწმებები ვერ მოიძებნა ამ მუხლისთვის