თარგმანი: მოციქულსა მრავალნი ეტყოდეს მაშინ ჰურიათაგანნი, ვითარმედ: რად განვარდა ჰურიობაჲ, და არა ქმნა ღმერთმან, რაჲთამცა ყოველნი ქრისტესსა მოქცეულ იყვნეს? ამისთჳს მოციქული ისწრაფის, რაჲთამცა გუასწავა არა-გამოძიებაჲ საშჯელთა ღმრთისათაჲ, დაღაცათუ უმეცარ მათდა ვიყვნეთ; და კუალად, რაჲთა გულისჴმა-გჳყოს, ვითარმედ კაცსა თჳსი ნებაჲ წარსწყმედს, თუ არა, ღმერთსა ყოველთა ცხორებაჲ ჰნებავს. ამისთჳს უკუე ფარაოს შორის შემოიღებს და სხუათაცა პირთა მრავალთა, რაჲთა გუასწავოს არა-გამოძიებაჲ საშჯელთა ღმრთისათა.
ჰრომაელთა მიმართ 9:17
16. აწ უკუე არა რომელსა-იგი უნებს, არცა რომელი-იგი რბის, არამედ რომელი ეწყალის ღმერთსა.17. რამეთუ ეტყჳს წიგნი ფარაოს, ვითარმედ: აღ-ვე ამისთჳს-გადგინე შენ, რაჲთა ვაჩუენო შენ ზედა ძალი ჩემი და რაჲთა განითქუას სახელი ჩემი ყოველსა ქუეყანასა.18. აწ უკუე რომელი ჰნებავს, შეიწყალებს, და რომელი ჰნებავს, განაფიცხებს.
ჰრომაელთა მიმართ თავი 917. რამეთუ ეტყჳს წიგნი ფარაოს, ვითარმედ: აღ-ვე ამისთჳს-გადგინე შენ, რაჲთა ვაჩუენო შენ ზედა ძალი ჩემი და რაჲთა განითქუას სახელი ჩემი ყოველსა ქუეყანასა.
თავი ი̂დ
მოციქულისაჲ: რამეთუ ეტყვს წიგნი ფარაოს (9,17).:
თავი ი̂დ. დაცემისათჳს არაჭეშმარიტისა ისრაელისა და წოდებისათჳს ჭეშმარიტისა და რჩეულისა, შემდგომად წარმართთაჲსა
მოციქულისაჲ: რამეთუ ეტყჳს წიგნი ფარაოს, ვითარმედ: აღვე-ამისთჳს-გადგინე შენ, რაჲთა ვაჩუენო შენ ზედა ძალი ჩემი, და რაჲთა განითქუას სახელი ჩემი ყოველსა ქუეყანასა. აწ უკუე, რომელი ჰნებავს, შეიწყალებს, და რომელი ჰნებავს, განაფიცხებს (9,17-18).:
სრულად ნახვათარგმანი: რომელი წიგნი? — არამედ გამოსლვათაჲ იტყჳს, ვითარმედ: მოსეს მიერ ჰრქუა ღმერთმან ფარაოს, რაჲ-იგი ზემო წერილ არს; არამედ რაჲ-იგი ჰრქუა, ვითარცა ყუედრებით ჰრქუა, რამეთუ მან თავადმან ამისთჳს განავრცო ფარაოს ზედა სულგრძელებაჲ თჳსი, რაჲთა ყოველთა კიდეთა ისწავონ ძალი თავს-დებათა და სულგრძელებათა მისთაჲ, და სინანულად მოიყვანებდა მას. არამედ იგი თჳსითა სიბოროტითა განფიცხნებოდა, რამეთუ ღირსთა წყალობისათა შეიწყალებს.
ვინ არიან ღირსნი წყალობისანი? — არამედ იგი, რომელთა ინებონ მიმთხუევაჲ წყალობათა მისთაჲ ხოლო განაფიცხებს არცა ერთსა ვის, არამედ უკუეთუ ვინ ურწმუნო იყოს და ფიცხელ, და ნებსით არა დაემორჩილებოდის მას, იძულებით არავის მოიყვანებს მორჩილებად თჳსსა. ხოლო შენ "განფიცხებაჲ" ესე მიშუებად გულისჴმა-ყავ, რამეთუ მიშუებასა ღმრთისასა მარადის ესრეთ სახელ-სდებენ წერილნი; ვინაჲთგან, რაჟამს მან დაგჳტევნეს, მყის მზა ვართ წარსატაცებელად მტერისაგან.
დიდისა ბასილისი: განაფიცხა ღმერთმან ფარაო სულგრძელებითა და ტანჯვისა დროებითა, რაჲთა გარდარეულსა მას სიბოროტესა მისსა გარდარეული იგი სახიერებაჲ ღმრთისაჲ განაქიქებდეს....
ებისტოლე ჰრომაელთა მიმართ თავი 8
წმინდა იოანე ოქროპირი
მთ: ღირსი ექვთიმე ათონელი
რედ: Titus
პავლესი: ვილოცევდი შეჩუენებელ-ყოფად თავი ჩემი ქრისტესგან (9,3).
თარგმანი: ესე იგი არს, ვითარმედ: ესოდენი მწუხარებაჲ მაქუს და ესრეთ არს გული ჩემი, რომელ უკუეთუმცა კრებულისაგან წმიდათაჲსა განვრდომაჲ მოიწეოდა ჩემ ზედა; რამეთუ ამისთჳს იტყჳს თუ: "შეჩუენებულ ქრისტესგან"; არა თუ ამას იტყჳს თუ: "სიყუარულისა მისისაგან განვრდომად", რამეთუ თჳთ ამათ სიტყუათა მისისა სიყუარულისათჳს იტყოდა, არამედ ამას მოასწავებს, ვითარმედ: დაღაცათუმცა განშორებაჲ მოიწეოდა ჩემდა წმიდათა კრებულისაგან, თავს-ვიდევ-მცა, და ოდენ ჩემისა მეუფისა ქრისტეს სახელიმცა არა იგმობვოდა.
მოციქულისაჲ: არა ესრე, ვითარმცა დავარდა სიტყუაჲ ღმრთისაჲ, რამეთუ არა ყოველნი ისრაელისაგანნი არიან ისრაელ (9,6).
თარგმანი: ესე იგი არს, ვითარმედ: არა თუ აღთქუმაჲ იგი ღმრთისაჲ, რომელი ყო აბრაჰამისა მიმართ, ტყუვილ იქმნა, რამეთუ არა თუ რომელნიცა ჰურიანი არიან — ისრაელ და თესლ აბრაჰამისა არიან, არამედ რომელნიცა არიან მსგავსნი ისაკისნი, იგინი არიან შვილ აბრაჰამისა. თუ არა, არა თუ რომელნიცა ჴორციელად მისისა ნათესავისაგან არიან, იგინი შერაცხილ არიან მისდა შვილად.
პავლესი: "შევიწყალო, რომელი...
მოხსენიებები ვერ მოიძებნა ამ მუხლისთვის