თარგმანი: ესრეთ იტყჳს, ვითარმედ: უკუეთუმცა მე თავით ჩემით გევედრებოდე, არა კმა ვარ დარწმუნებად თქუენდა. ამისთჳს უკუე ქრისტეს მიერ გევედრები, რამეთუ თავადი იგი ქრისტე, რომელი შეურაცხ იქმნა თქუენ მიერ, იგი გლოცავს, რაჲთა არა იქმოდით განწვალებათა, რაჲთა ეკლესიისა გუამი არა განიწვალოს.
1 კორინთელთა მიმართ 1:10
9. სარწმუნო არს ღმერთი, რომლისა მიერ იჩინენით ზიარებასა მას ძისა მისისასა იესუ ქრისტეს უფლისა ჩუენისასა.10. ხოლო გლოცავ თქუენ, ძმანო, სახელითა უფლისა ჩუენისა იესუ ქრისტესითა, რაჲთა მასვე იტყოდით ყოველნი, და ნუ იყოფინ თქუენ შორის წვალება, არამედ იყვენით განმტკიცებულნი მითვე გონებითა და მითვე მეცნიერებითა.11. რამეთუ მეუწყა მე თქუენთჳს, ძმანო ჩემნო, ქლოველთა მათგან, ვითარმედ ჴდომა რაჲმე არიან თქუენ შორის.
1 კორინთელთა მიმართ თავი 1