თარგმანი: რაჲსა "ამისთჳს"? - ანუ თუ ცხად არს, ვითარმედ უღირსებით მიღებისათჳს წმიდათა საიდუმლოთაჲსა იქმნებიან სნებანი და უძლურებანი. და, ვითარ-იგი უსაკუთრეს არს ესრეთ, ვითარმედ: ამისთჳს მრავალ არიან თქუენ შორის უძლურ და სნეულ და სძინავს მრავალთა. ხოლო ძილ არიან სიკუდილნი უჟამონი. არამედ, თქუას ვინმე, ვითარმედ: ნუუკუე ბერნი არა ცოდვენ-ა, რამეთუ არა უწინარეს ჟამისა მოსწყდებიან? გარნა არა ესე ოდენ არს სატანჯველი უღირსად მზიარებელთაჲ, არამედ მერმესა მას საუკუნესა უძჳრესი დაშჯაჲ მიელის.
1 კორინთელთა მიმართ 11:30
29. ხოლო რომელი არა ღირსად ჭამდეს და სუმიდეს, დასაშჯელად თავისა თჳსისა ჭამს და სუამს, რამეთუ არა გამოიკითხნა ჴორცნი უფლისანი.30. ამისთჳს მრავალ არიან თქუენ შორის უძლურ და სნეულ, და წვანან მრავალნი.31. რამეთუ უკუეთუმცა თავთა თჳსთა განვიკითხევდით, არამცა განვიკითხენით.
1 კორინთელთა მიმართ თავი 11