თარგმანი: სიტყჳთა ამით ქმართა კითხვისაჲთა ერთბამად მამანი უგანკრძალულეს ყვნა, რაჲთა არა ხოლო ლიტონად ისმენდენ, არამედ —გულისჴმის-ყოფით, და ისწავებდენ-ცა ეკლესიასა შინა თქუმულთა მათ, ვითარცა თანამდებნი სხუათა მიმთხრობელ და გამომთარგმნელობისანი. და დედათა ასწავა თანად ღონეცა, თუ ვითარ უძლონ გამოცნობაჲ სიღრმისა სიტყუათაჲსაჲ, და თანად განუჩინა ზოგად საჭიროჲსა და არასაჭიროჲსა ზრახვისათჳს, ვითარმედ: საძაგელ არს დედათათჳს ყოვლად რაჲსაცა ზრახვაჲ ეკლესიასა შინა.
1 კორინთელთა მიმართ 14:35
34. დედანი თქუენნი ეკლესიასა შინა დუმნედ, რამეთუ არა ბრძანებულ არს მათდა სიტყუად, არამედ დამორჩილებად, ვითარცა შჯულიცა იტყჳს.35. ხოლო უკუეთუ სწავლის რაჲმე უნდეს, სახლსა შინა თჳსთა ქმართა ჰკითხედ მათ: რამეთუ საძაგელ არს დედათაჲ ეკლესიასა შინა ზრახვად.36. ანუ თქუენ მიერ სიტყუაჲ იგი ღმრთისაჲ გამოვიდა? ანუ თქუენდამდე ხოლო მიიწია?
1 კორინთელთა მიმართ თავი 14