ჰრომაელთა მიმართ 1:17

თარგმანი: რომელთა გესმას რაჲ, თუ ცხორებაჲ და სიმართლე არს სახარებისა მიერ, არა მოიგონო თუ აქა ოდენ სადმე არს, ანუ თუ საწუთროჲსა საქმესა რასმე იტყჳს. ამისთჳს შესძინა და თქუა, ვითარმედ "გამოცხადნების", რომელი-ესე მის საუკუნისასაცა მოასწავებს, ვითარმცა იტყოდა, ვითარმედ: გამოჩნდა სახარებისა მიერ სიმართლე ღმრთისაჲ აწცა მრავალთა მათ მიერ სასწაულთა, რომელნი იქმნეს სახარებისა მიერ და განყოფანი ენათანი ძალითა მით სულისაჲთა. გარნა ყოველივე ჯერეთ არა გამოჩინებულ არს, არამედ გამოჩნდების სრული იგი მერმესა მას ცხორებასა, რაჟამს მოგუეცეს მის მიერ საუკუნოჲ იგი ცხორებაჲ და სწავლაჲ ყოვლისავე სიმართლისაჲ.

თარგმანი: რაჲთა არა, რაჟამს სიმართლე და მაცხოვარებაჲ გესმას, აქა ოდენ ჰგონებდე მიმთხუევასა მისსა, ამისთჳს დაჰრთო "გამოცხადნების", რომლითა ამას მოასწავებს, ვითარმედ ყოვლისავე განცხადებაჲ არა ამის ჟამისაჲ არს, არამედ მერმისა მის საუკუნოჲსა დამარხულ არს. ხოლო ღონე და გზა მიმთხუევისა არს აქავე ? მორჩილებით შეწყნარებაჲ სახარებისა ქრისტესისაჲ. რამეთუ მას შინა გამოცხადნების სიმართლე ღმრთისაჲ.

რასა შინა? [არამედ ესე ? ცხად არს ... ... ამას სარწმუნოებით იწყებს ? და სარწმუნოებით დაასრულებს ? და არა ოფლთა გინა შრომათაგან, არამედ ზეგარდამოჲსა ნიჭისაგან მოემადლების, რაჟამს ერთი ოდენ ესე...

თარგმანი: ესე იგი არს, ვითარმედ საუკუნჱ ცხორებაჲ მის მიერ მოგუეცემის და სწავლაჲ ყოვლისა სიმართლისაჲ.

...ისა წილ“. რომლისა წილ რომელი? ძუელისა წილ ახალი, რამეთუ ვითარცა არს სიმართლე და სიმართლე, რამეთუ იტყჳს, ვითარმედ: „სიმართლისა მისებრ შჯულისა იქმნის უბიწო“. (შდრ. ფილიპ. 3,6) და კუალად არს სარწმუნოებაჲ და სარწმუნოებაჲ, რამე-თუ იტყჳს, ვითარმედ: „სარწმუნოებითი სარწმუნოებად“. (რომ. 1,17) და არს ძეობაჲ და ძეობაჲ, რამეთუ იტყჳს: „რომელთა-იგი არს ძეობაჲ და შვილებაჲ“. (შდრ. რომ. 9,4) და არს დიდებაჲ და დიდებაჲ, რამეთუ იტყჳს, ვითარმედ: „უკუეთუ განქარვებადი იგი დიდებისა მიერ არს, არა უფროჲსად ჭეშმარიტი იგი დიდებული იყოსა?“ (შდრ. 2 კორ. 3,11) და არს შჯული და შჯული, რამეთუ იტყჳს, ვი-თარმედ: „შჯულმან მან სულისა ცხორებისამან განმათავისუფლა მე“. (რომ. 8,2) და არს მსახურებაჲ და მსახურებაჲ, რამეთუ იტყჳს, ვითარმედ: „სულითა ღმრთისაჲთა ჰმსახურებდით“. (ფილიპ. 3,3) და არს აღთქუმაჲ და აღთქუმაჲ, რამეთუ იტყჳს: „და აღგითქუა თქუენ აღთქუმაჲ ახალი, არა ვითარ-იგი აღუთქუ მამათა თქუენთა“. (შდრ. იერ. 31,31-32) და სიწმიდე და სიწმიდე, და ნათლის-ღებაჲ დ...