...მაგრამ არ აიტანა, რადგან ქალაქის მცხოვრებლები მისი ხელისუფლების გამო კრძალვით ეპყრობოდნენ მას, და იგი თავის სახლში ფარულად რჩებოდა. ამან განარისხა ღმერთი, ამან შეაჩერა წინასწარმეტყველება; და მოხდა ის, რაც ელის დროსაც იყო: „სიტყვა პატიოსანი იყო და ხილვა გარკვევით არ იყო“ ()8.
შენ კი აქაც შეიცან ღვთის კაცთმოყვარეობა. რადგან ქალაქი არ დაამხო და არც იქ მცხოვრებნი დაღუპა; არამედ როგორც მეგობრები ექცევიან პატივით თანასწორ მეგობრებს, როცა რაიმე სამართლიანი საყვედური აქვთ და დუმილს არჩევენ, ასევე მოიქცა ღმერთიც იმ ერის მიმართ, რომელიც უფრო დიდი სასჯელისა და საზღაურის ღირსი იყო. „მე იგი ტაძრიდან გავაძევე, - ამბობს, - თქვენ კი ქალაქიდანაც არ გაგიძევებიათ; მე იგი კეთრით შევკარი და კერძო კაცად გადავეცი, თქვენ კი ასეც ვერ სძლიეთ თავს: ჩემს მიერ მსჯავრდადებულის ქალაქიდან გაძევება ვერ იკისრეთ“. და მაინც, რომელი მეფე აიტანდა ამას მშვიდად და ქალაქს საძირკვლიდან არ და...