...ამეთუ არა იყო ჩუენებაჲ"** (). ამრიგად, ესენიც რომ დადგნენ, ვერაფერს არგებენ. ნოეს შესახებაც ამბობს: „ნოე კაცი მართალი სრული იყო ნათესავსა შინა მისსა" (); ხოლო იობის შესახებ: „კაცი იგი ჭეშმარიტ, უბიწო, მართალ, ღმრთისმსახურ" (). მაშ, ამათაც რომ დადგნენ და დანიელიც — ის, ვინც ქალდეველებმა ღმერთადაც კი მიიჩნიეს, — ამბობს, რომ ვერ შეძლებდნენ თავიანთი ვაჟებისა და ასულების ხსნას. ამრიგად, ეს რომ ვიცით, ნურც წმინდანთა ლოცვებს უგულებელვყოფთ და ნურც ყოველივეს ამ ლოცვებს გადავაბარებთ: ამას იმიტომ, რომ არ მოვდუნდეთ და ფუჭად არ ვიცხოვროთ; იმას კი იმიტომ, რომ დიდი სარგებელი არ დავკარგოთ; არამედ ვთხოვოთ მათ, ილოცონ ჩვენთვის და ხელი გამოგვიწოდონ, ხოლო ჩვენ თვითონაც სათნოებას მივეკრათ, რათა შევძლოთ იმ აღთქმული სიკეთეების მიღწევა, რომლებიც მის მოყვარულთათვის არის გამზადებული.
ჩვენი უფლის იესო ქრისტეს მადლითა და კაცთმოყვარეობით, რომლის თანა მამასა, სულიწმიდითურთ, დიდება, ძალა, პატივი, აწ და მარადის და უკუნითი უკუნისამდე. ამინ.
სათარგმნო შენიშვნები
- ოქროპირი აქ საქმეთა თხრობის თავისუფალ პერიფრაზს იძლევა; ქართულად მოყვანილია მიწოდებუ...