თარგმანი: იხილე ახოვნებაჲ სულისა მის სამოციქულოჲსაჲ; ვითარ ესოდენნი ძჳრნი შეემთხუეოდეს წინააღმდგომთა მიერ, რომელთაგან საგონებელ იყო შეწუხებად, ხოლო იგი, არა ოდენ შეუწუხებელად, არამედ ფრიადითაცა მხიარულებითა თავს-იდებდა ყოველსავე, ვითარცა მეცნიერი, ვითარმედ ღმრთისათჳს შეემთხუევის ყოველივე იგი.
2 კორინთელთა მიმართ 6:10
9. ვითარცა უცნაურნი და საცნაურნი; ვითარცა მოსიკუდიდნი, და აჰა ესერა ცხოველ ვართ; ვითარცა სწავლულნი, და არა სიკუდიდნი;10. ვითარცა მწუხარენი, და მარადის გჳხარის; ვითარცა გლახაკნი, და მრავალთა განვამდიდრებთ; ვითარცა არარაჲ გუაქუს, და ყოველივე გუაქუს.11. პირი ჩუენი აღებულ არს თქუენდა მიმართ, კორინთელნო, და გული ჩუენი განვრცომილ არს.
2 კორინთელთა მიმართ თავი 6