იგავნი სოლომონისა 5

ლოცვა წმინდა წერილის წაკითხვამდე

1. ჩემო შვილო, ჩემს სიბრძნეს უსმინე, ჩემს შეგონებას მიაპყარ ყური,2. რათა შეინარჩუნო განსჯა და ცოდნა დაიმარხოს შენშა ბაგეებმა.3. რადგან თაფლი სდის უცხო ქალის ბაგეებს და ზეთივით გასლექილია მისი სასა.4. ბოლოს კი აბზინდასავით გამწარდება, ორლესული მახვილივით გაფხავდება;5. მისი ფეხები სიკვდილისკენ ჩადის, შავეთში იდგმება მისი ნაბიჯები.6. ვერ აგნებს სიცოცხლის გზას, არეული აქვს გზაკვალი, არ იცის სად მიდის.7. ახლა, მისმინეთ, შვილებო, და ნუ გადაუხვევთ ჩემს ნათქვამს:8. შორს იყოს მისგან შენი გზა და არ გაეკარო მისი სახლის კარს,9. რომ სხვებს არ მისცე შენი ღირსება და შენი წლები - დაუნდობელს,10. რომ არ გაძღნენ უცხონი შენი დოვლათით და შენი ჭირნახულით - მტრის სახლში.11. ივიშვიშებ ბოლოჟამს, როცა დაგელევა ხორცი და ტანი.12. იტყვი: როგორ მძულდა დარიგება და როგორ სძაგდა ჩემს გულს მხილება!13. არ ვუსმენდი მოძღვრის ხმას და მასწავლებელს ყურს არ ვუგდებდიო.14. რა ბოროტება არ ჩამიდენიაო ხალხში და კრებულშიო!15. სვი წყალი შენი აუზიდან და ანკარა შენი ჭიდან,16. გარეთ იღვრებოდეს შენი წყაროები, მოედნებზე - წყლის ნაკადები.17. მხოლოდ შენი იყოს და უცხოები არ დაგეზიარონ,18. კურთხეულ იყოს შენი წყარო და იხარებდე შენი სიყმაწვილის ცოლთან.19. მოყვარულ შველთან და ტურფა ქურციკთან, დაგატკბოს მისმა გულ-მკერდმა ყოველ დროს, გაბრუვდი მუდამ მისი სიყვარულით;20. რატომ გაბრუებს, შვილო, სხვა ქალი. და გულში რატომ ეხუტები უცხო ქალს?21. რადგან უფლის თვალწინაა კაცის გზები და მის ყოველ ნაბიჯს აკვირდება.22. საკუთარი ავკაცობა დაიჭერს ბოროტეულს და თავისი ცოდვის საკვრელებით შეიბოჭება.23. ის მოკვდება შეუგნებელი და თავისი უზომო სიბრიყვით დაიკარგება.

წინა თავი შემდეგი თავი

იგავნი სოლომონისა 5 განმარტებები

დამოწმებები (4)

თესალონიკელთა მიმართ I ეპისტოლე — ჰომილია 5

1 თესალონიკელთა მიმართ 4:1-8

წმინდა იოანე ოქროპირი

მთ: Sasoeba.ge

რედ: Sasoeba.ge

იგავნი სოლომონისა 5:3

3. ვაჟთა დროული ქორწინება და უმანკოება:

...ა იმისთვის, რომ მას სიძვის საწვავი მიაწოდოს.

მაგრამ მეძავის მიხრა-მოხრა შენთვის სასიამოვნოდ ჩანს? მეც ვიცი; რადგან წერილიც ამას ამბობს: „რამეთუ თაფლი გარდამოსწუეთინ ბაგეთა დედაკაცისა მეძვისათა, რომელმან წუთ ერთ დაატკბოს სასაჲ შენი,“ (). სწორედ ამიტომ ვაკეთებ ყოველივე ამას, რათა იმ თაფლის გემო არ გასინჯო; რადგან იგი მაშინვე ნაღვლად იქცევა. ამასვე ამბობს წერილიც: „რამეთუ თაფლი გარდამოსწუეთინ ბაგეთა დედაკაცისა მეძვისათა, რომელმან წუთ ერთ დაატკბოს სასაჲ შენი, ხოლო უკუანაჲსკნელ უმწარეს ნავღლისა ჰპოო და უმახჳლეს მახჳლის ორპირისა,“ (). რას ამბობ? მოითმინეთ, როცა ჩემგან რაღაც ბილწსაც, ასე ვთქვათ, მოისმენთ, როცა ურცხვად და გაუწითლებლად ვლაპარაკობ; რადგან ამას საკუთარი ნებით კი არ ვიტვირთავ, არამედ იმათ გამო, ვისაც საქმეებისა არ რცხვენია, მე თვითონ იძულებული ვარ ასეთი სიტყვები ვთქვა. ბევრ ასეთ რამეს თვით წერილებშიც ვხედავთ....

ფსალმუნი 9-ის განმარტება

ფსალმუნნი 9

წმინდა იოანე ოქროპირი

მთ: Sasoeba.ge

რედ: Sasoeba.ge

იგავნი სოლომონისა 5:17იგავნი სოლომონისა 5:18იგავნი სოლომონისა 5:19

4. მარადიული მსაჯული და დავრდომილთა შესავედრებელი:

...ზოგი კი სიტყვათა ზედაპირისგან განსხვავებულად უნდა გავიგოთ, მაგალითად: „ირემ სიყუარულის და ნუკრ მადლთა გზრახევდინ შენ“ (). და კვლავ: „იყავნ შენდა ხოლო მონაგებად და ნუ ვინ უცხოჲ გეზიარებინ შენ“ (). „წყაროჲ იგი წყლისაჲ იყავნ შენდა თჳსად“ (). რადგან თუ ამას დაწერილი ტექსტის მიხედვით გაიგებ, სიტყვას არ გაექცევი და ამგვარად გაგებულ აზრს გაჰყვები, დიდი არაადამიანობა იქნებოდა, ვინმეს წყალიც კი არ გაუზიარო. არამედ აქ სიტყვა ცოლს ეხება: კაცმა მასთან ურთიერთობა უმანკოებით უნდა ჰქონდეს; ამიტომ მას წყაროსა და ირემს უწოდებს, ქორწინებითი თანაცხოვრების სიწმინდის გამო. აქ ასეა; სხვაგან კი საჭიროა, დაწერილი ტექსტიც მივიღოთ და მისგან ნაგულისხმევი აზრიც, როგორც იმ სიტყვაშია: „და ვითარცა-იგი მოსე აღამაღლა გუელი უდაბნოს“ (). რადგან ესეც უნდა ვირწმუნოთ, რომ...

ფსალმუნი 139-ის განმარტება

ფსალმუნნი 139

წმინდა იოანე ოქროპირი

მთ: Sasoeba.ge

რედ: Sasoeba.ge

იგავნი სოლომონისა 5:22

4. ბოროტების თვითდასჯა და მართალთა მადლობა:

...ს. „უსამართლო კაცს ბოროტებანი მოინადირებენ განსახრწნელად“ ()⁸. ასე ამბობს სხვა ბრძენიც: „უშჯულოებამან მოინადირის კაცი“ (). კვლავ იხილე, რომ ბოროტება საკმარისია თავისი მფლობელის გასახრწნელად. მაგრამ რატომ გამოიყენა ნადირობის სახელი? რათა გარდაუვალობა დაინახო; რათა, თუნდაც უსამართლობის ჩადენისას მაშინვე არ ჩავარდე მახეში, მაინც არ გათამამდე. რადგან ასეთია ნადირობა: ყოველთვის ვერ აღწევს მიზანს და არც მაშინვე; მაგრამ, თუნდაც ნადირი და ნადირობის საგანი ჯერ არ იქნეს დაჭერილი, არც მაშინ არის უსაფრთხოდ, თუნდაც ჯერ კიდევ ბადეებში არ იყოს მოქცეული. ამიტომ არც სულმა იკადროს გათამამება, როცა უსამართლობას სჩადის და ჯერ არ დაჭერილა; რადგან ოდესმე უთუოდ დაიჭირება. თუ გინდა უსაფრთხოდ იყო, შეწყვიტე ამის კეთება და დიდ თავისუფლებას მიიღებ. რატომ თქვა მაინც: „განსახრწნელად“? იმიტომ, რომ მრავალი ხსნისთვისაც იქნა მონად...

წინა თავი შემდეგი თავი

...ა იმისთვის, რომ მას სიძვის საწვავი მიაწოდოს.