დაბადება 5

ლოცვა წმინდა წერილის წაკითხვამდე

1. ეს არის ადამის წარმოშობის წიგნი: როცა გააჩინა ღმერთმა ადამი, ღვთის მსგავსად შექმნა იგი;2. მამაკაცად და დედაკაცად გააჩინა ისინი, აკურთხა და უწოდა მათ სახელად ადამი, მათი შექმნის დღეს.3. ადამმა ას ოცდაათი წელი იცოცხლა და შეეძინა თავისი მსგავსი და თავისი ხატი, და უწოდა სახელად შეთი.4. შეთის დაბადების შემდეგ შეემატა ადამს რვაასი წელი და შვა ძენი და ასულნი.5. სრული ხანი ადამისა, რაც იცოცხლა, იყო ცხრაას ოცდაათი წელი და მოკვდა.6. იცოცხლა შეთმა ას ხუთი წელი და შვა ენოში.7. იცოცხლა შეთმა ენოშის დაბადების შემდეგ რვაას შვიდი წელი და შვა ძენი და ასულნი.8. სრული ხანი შეთისა იყო ცხრაას თორმეტი წელი, და მოკვდა.9. იცოცხლა ენოშმა ოთხმოცდაათი წელი და შვა კაინანი.10. იცოცხლა ენოშმა კაინანის დაბადების შემდეგ რვაას თხუთმეტი წელი და შვა ძენი და ასულნი.11. სრული ხანი ენოშისა იყო ცხრაას ხუთი წელი, და მოკვდა.12. იცოცხლა კაინანმა სამოცდაათი წელი და შვა მაჰალალეელი.13. იცოცხლა კაინანმა მაჰალალეელის დაბადების შემდეგ რვაას ორმოცი წელი და შვა ძენი და ასულნი.14. სრული ხანი კაინანისა იყო ცხრაას ათი წელი, და მოკვდა.15. იცოცხლა მაჰალალეელმა სამოცდახუთი წელი და შვა იარედი.16. იცოცხლა მაჰალალეელმა იარედის დაბადების შემდეგ რვაას ოცდაათი წელი და შვა ძენი და ასულნი.17. სრული ხანი მაჰალალეელისა იყო რვაას ოთხმოდათხუთმეტი წელი, და მოკვდა.18. იცოცხლა იარედმა ას სამოცდაორი წელი და შვა ენოქი.19. იცოცხლა იარედმა ენოქის დაბადების შემდეგ რვაასი წელი და შვა ძენი და ასულნი.20. სრული ხანი იარედისა იყო ცხრაას სამოცდაორი წელი, და მოკვდა.21. იცოცხლა ენოქმა სამოცდახუთი წელი და შვა მეთუშალახი.22. დადიოდა ღმერთთან ენოქი მეთუშალახის დაბადების შემდეგ სამასი წელი და შვა ძენი და ასულნი.23. სრული ხანი ენოქისა იყო სამას სამოცდახუთი წელი.24. დადიოდა ღმერთთან ენოქი და აღარ იყო, რადგან წაიყვანა იგი ღმერთმა.25. იცოცხლა მეთუშალახმა ას ოთხმოცდახუთი წელი და შვა ლამექი.26. იცოცხლა მეთუშალახმა ლამექის დაბადების შემდეგ შვიდას სამოცდათორმეტი წელი და შვა ძენი და ასულნი.27. სრული ხანი მეთუშალახისა იყო ცხრაას სამოცდაცხრა წელი, და მოკვდა.28. იცოცხლა ლამექმა ას ოთხმოცდაორი წელი და შვა ძე.29. უწოდა მას სახელად ნოე. ასე თქვა: ეს გვანუგეშებს ჩვენს შრომასა და ჯაფაში ამ მიწაზე, რომელიც დასწყევლა უფალმა.30. იცოცხლა ლამექმა ნოეს დაბადების შემდეგ ხუთას ოთხმოცდათხუთმეტი წელი და შვა ძენი და ასულნი.31. სრული ხანი ლამექისა იყო შვიდას სამოცდაჩვიდმეტი წელი, და მოკვდა.32. ოთხმოცდაათი წლისა იყო ნოე, როცა შვა სემი, ქამი და იაფეთი.

წინა თავი შემდეგი თავი

დაბადება 5 განმარტებები

საუბარი 21. „ესე წიგნი შესაქმისა კაცთაჲსა" (დაბ 5:1-2)

დაბადებისა 5:1-32

წმინდა იოანე ოქროპირი

რედ: Sasoeba.ge

1. საღვთო წერილის ფარული საუნჯე (5:1-2)

დიდი და გამოუთქმელი საუნჯე, საყვარელნო, დღევანდელ საკითხავშია მოცემული. ვიცი, რომ ბევრი, სახელების ჩამოთვლას რომ ისმენს და ზედაპირულად უყურებს საღვთო წერილიდან წაკითხულს, ფიქრობს, თითქოს ეს სიტყვები სახელთა უბრალო ჩამონათვალის მეტს არაფერს შეიცავსო; მაგრამ ყველას ვგთხოვთ, საღვთო წერილში მოცემულს უყურადღებოდ არ ჩაუაროთ, რადგან ყოველივე, რაც აქ დაწერილია, აზრთა დიდ სიმდიდრეს შეიცავს. ვინაიდან ნეტარი წინასწარმეტყველები სულიწმიდის შთაგონებით მოუბარნი...

სარჩევი

•1. საღვთო წერილის ფარული საუნჯე (5:1-2)

•2. სითის მოდგმა და ღვთის ხატება (5:3-5)

•3. სითის შობა და სახელთა მნიშვნელობა (4:25-26)

•4. ენოქის სათნოება და ნოეს წინასწარმეტყველება (5:9-29)

•5. ნოეს სახელის მნიშვნელობა და ღვთის სულგრძელობა (5:32)

•6. სულზე მზრუნველობა და სათნოებით შემკობა

საუბარი 22. „და იყო ნოე წელისა ხუთასისაჲ" (დაბ 5:32, 6:1)

დაბადებისა 5:32-6:8

წმინდა იოანე ოქროპირი

რედ: Sasoeba.ge

1. ნოეს სიმართლე და ღვთის სულგრძელობა (5:32)

მინდა დღეს გუშინდელი ტრაპეზის ნარჩენს შემოგთავაზოთ, მაგრამ ნუ შეწუხდები, საყვარელო, ნარჩენს რომ ისმენ. რასაკვირველია, ხორციელი საჭმელი დღე-ორ დღეში ხშირად ფუჭდება, უსიამოვნო და საკვებად უვარგისი ხდება, სულიერი ტრაპეზის შესახებ კი ამის შიში არ არის; პირიქით, რაც მეტი დრო გადის, მით მეტ სიამოვნებას იძენს და უფრო სასიამოვნო და გემრიელი ხდება. ასე რომ, ახლა საქმით შევასრულოთ გუშინ მიცემული პირობა, გადავიხადოთ სწავლების ვალი და ჩვენი პატიოსნება...

სარჩევი

•1. ნოეს სიმართლე და ღვთის სულგრძელობა (5:32)

•2. „ძენი ღმრთისანი" — ანგელოზები თუ ადამიანები? (6:1-2)

•3. სითის შთამომავალთა დაცემა ავხორცობით (6:1-3)

•4. ას ოცი წლის ვადა და შეუნანებელი ცოდვა (6:3-5)

•5. საყოველთაო უსჯულოება და ნოეს მადლი (6:6-8)

•6. ანგარების მხილება და სათნოებისკენ შეგონება

•7. ამაო დიდების ამაოება და საუკუნო სამსჯავრო

წინა თავი შემდეგი თავი