აი, ჩვენ უკვე მივედით წმინდა დიდი მარხვის დასასრულამდეც, მარხვის ცურვა დავასრულეთ და, ღვთის მოწყალებით, ბოლოს ნავსადგურსაც მივაღწიეთ. მაგრამ ამის გამო არ უნდა დავეცეთ უზრუნველობაში, არამედ კიდევ უფრო მეტი მოშურნეობა და ფხიზლობა გამოვიჩინოთ. მეზღვაურებიც, როცა უამრავ საზღვაო უფსკრულს გადალახავენ და უკვე აფენილი აფრებით, ზემოთ ამოტანილი ტვირთით ნავსადგურში შესვლას ემზადებიან, სწორედ მაშინ იჩენენ განსაკუთრებულ ყურადღებას და გულმოდგინებას, რათა...
დიდად გმადლობთ იმისთვის, რომ თქვენ გუშინაც სიხარულით მიიღეთ ლოცვის შესახებ სწავლება და დღესაც ასეთი მოშურნეობით მიისწრაფვით მოსასმენად. ეს ჩვენც უფრო მოშურნეებს გვხდის და გვაიძულებს, უფრო უხვი სულიერი ნადიმი შემოგთავაზოთ. ისევე როგორც მიწის მუშაკი, როცა ხედავს, რომ მისი ყანა უხვად აღმოაცენებს მასში ჩაყრილ თესლს და მდიდარ მოსავალს იძლევა, ყოველდღიურად არ წყვეტს ყოველგვარ ძალისხმევას, სათანადო მზრუნველობას იჩენს და დღედაღამ ზრუნავს, რომ მისი შრომა...
...აღალმან და შეიძრა ქუეყანა“** (), რითაც აჩვენა, რომ არა მხოლოდ ქალაქებს, ხალხებსა და მხარეებს, არამედ თვით სტიქიასაც არყევს. ხალხთა სიმრავლესაც მიწას უწოდებს ხოლმე, როგორც მაშინ, როცა ამბობს: „და იყო ყოველი ქუეყანა - ბაგე ერთ“ (). შემდეგ ამბობს: „უფალი ძალთა ჩუენ თანა“ (). და: „ჴელისაღმპყრობელ ჩუენდა ღმერთი იაკობისი“ (). ებრაელმა კი „ძალთა“ ნაცვლად „საბაოთი“ თქვა. იხილე, როგორ აჰყავს სიტყვა მიწიდან ზეცისკენ, ანგელოზთა ურიცხვ დასებთან, მთავარანგელოზთა კრებულებთან და ზემო ძალებთან. რადგან რას მიმითითებ ბანაკებზე, ბარბაროსებსა და დაღუპვისთვის განწირულ ადამიანებზე? — ამბობს იგი. ზეცათა სასუფევლიდან გაიაზრე მისი ძალმოსილება: რამდენი ბანაკი უხილავ ძალთა ჰყავს თავის ქვეშ განწესებული.
და კარგად უწოდა...
...ო, და არა მხოლოდშობილის უარსაყოფად. თორემ რის გამო ითქვა დასაწყისშივე: „ვქმნეთ კაცი ხატებისაებრ ჩვენისა და მსგავსებისაებრ“ ()? და კვლავ: „მოვედით, გარდავიდეთ და შეურინეთ მათ ენანი მუნ“ (). და კვლავ დავითმა: „ამისთჳს გცხო შენ ღმერთმან, ღმერთმან შენმან, საცხებელი სიხარულისა უმეტეს მოყუასთა შენთა“ (). ხოლო თუ მოსე ამბობს: „უფალი ღმერთი შენი მხოლოჲ უფალ არს“ (), ამის მიზეზი თქვენი უძლურება გახდა.
და რა გიკვირს, თუ ეს სწავლებათა მხრივ მოხდა, როცა საქმეებშიც ღმერთი სიტყვას სრულყოფილთაგან ნაკლებისკენ წარმართავდა და ჩვენს უძლურებას მოწყალებით ეშვებოდა? ამიტომ ნებას აძლევდა, ერთი ცოლი გაეშვათ და მეორე შემოეყვანათ, თუმცა დასაბამიდან ასე არ დაუდგენია რჯული. საჭმელთა შესახებაც დიდი გარჩევა დააწესა, თუმცა თავიდან საპირისპირო თქვა: **„ვი...
...ესაია 35:6). და კვლავ: „უფალმან, უფალმან მცეს მე ენა სწავლულებისა ცნობად, ოდეს ჯერარს თქუმად სიტყჳსა“ (). და დასაწყისშიც ამბობს: „მოვედით, გარდავიდეთ და შეურინეთ მათ ენანი მუნ“ (). ამრიგად, ეს დიდი და ძლიერი მტკიცებულებაა.
რადგან სხვა სასწაულთა შემთხვევაში, თუნდაც უგუნურად, მაინც ეჭვობდნენ, თითქოს რაღაც მიზეზი არსებობდა, და ურცხვობდნენ; აქ კი სათქმელი არაფერი ჰქონდათ, რადგან თვით ბუნება, ყოველგვარი შემწეობის გარეშე, თავისით იბრძოდა. ამიტომაც უბრალოდ „ყრმათა“ კი არ თქვა, რათა ვინმეს არ ეფიქრა, რომ იგი უბოროტოებსა და უფრო უბრალოებს გულისხმობს, არამედ დაუმატა: „და მწოვართათა“, და საზრდოს ხსენებით ასაკი გამოკვეთა. რადგან, ამბობს, უბრალოდ „ყრმათა“ კი არა, არამედ ძუძუმწოვართა, რომელთაც არასოდეს მიუღიათ მყარი საზრდო. ამრიგად, საკვირველი მხოლოდ ის კი არ არის, რომ ხმა გამოსცეს, და თანაც ნათლად წარმოთქმული ხმა, არამედ ისიც, რ...