დაესრულა კათოლიკე იუდა მოციქულისაჲ, მუჴლი ჲ̂ჱ, თავნი დ.

დასრულდეს კათოლიკენი ებისტოლენი შჳდნი.

ხოლო ითარგმნა ბერძულისაგან ქართულად წიგნი ესე ღირსისა ეფრემ კარიჭის ძისა მიერ, რომლისა ჴსენებაჲ და კურთხევაჲ საუკუნო.

უწყებაჲ მიზეზსა იუდაჲს კათოლიკისასა

ხოლო იუდა დასწერს თჳსსა მას ებისტოლესა ახლად მოქცეულთა მორწმუნეთა მიმართ ამის მიზეზისათჳს, რამეთუ შემოსრულ ვიეთნიმე იყვნეს მაცთურნი, რომელნი იტყოდეს, ვითარმედ არად სარგებელ არს კრძალვაჲ ცოდვისაგან, და უფალსა უარჰყოფდეს. ამისთჳს იიძულა მიწერად და განკრძალვად ძმათა, და პირველად ჰლოცავს, რაჲთა იღუაწონ დადგრომად სარწმუნოებასა მას ზედა მიცემულსა მათდა, და მერმე განგდებულ ჰყოფს ეგევითართა მათ, ვითარცა მაცთურთა და წარწყმედულთა, და ამცნებს, რაჲთა არცაღა ზიარებაჲ...

თავნი იუდაჲს კათოლიკისანი

ა̂. კრძალულებისათჳს ქრისტეს მიმართ სარწმუნოებისა და განდგომილებისათჳს უღმრთოთა და ბილწთა კაცთაჲსა, რომელსა შინა იტყჳს ყოფადისა მისთჳს მათთჳს წარწყმედისა მსგავსად პირველთა მათ ცოდვილთა და უკეთურთა.

ბ̂. ვაებაჲ მათი მაცთურებისათჳს და უშჯულოებისა და სიბილწისა და გმობისა და მოპოვნებულისათჳს ორგულებისა. მედგრობით მიღებისათჳს ქრთამისა.

გ̂. განკრძალვისათჳს მათისა სარწმუნოებასა ზედა; წყალობისათჳს და კრძალვისა მოყუსისა, ცხორებისა და...

თარგმანებაჲ კათოლიკეთა ებისტოლეთაჲ

უწყებაჲ მიზეზსა იაკობის კათოლიკისასა

იაკობ თჳსსა მას კათოლიკესა დასწერს ათორმეტთა ტომთაგან განთესულთა მათ მიმართ, რომელთა ჰრწმენა უფლისა ჩუენისა იესუ ქრისტეს მიმართ, ხოლო მისწერს სამოძღურებელად ებისტოლესა ამას და ასწავებს განყოფილებისათჳს განსაცდელთაჲსა, თუ რომელი არს ღმრთისა მიერ, ანუ რომელი არს თჳსისა გულისაგან კაცთაჲსა, და ვითარმედ არა სიტყჳთ ხოლო, არამედ საქმით ჯერ-არს ჩუენებაჲ სარწმუნოებისაჲ, და ვითარმედ არა მსმენელნი სჯულისანი, არამედ მყოფელნი...

თავნი იაკობ მოციქულისა კათოლიკისანი

ა̂. მოთმინებისათჳს და სარწმუნოებისა შეუორგულებელისა და სიმდაბლისა მდიდართა მიმართ, რომელსა შინა იტყჳს ჩუენ შორის განჴურვებისა მისთჳს და მის მიერთა მათ ვნებათა, ვითარმედ არა ღმრთისაგან არს მიზეზი, არამედ, რაჲცა კეთილი არს ჩუენ შორის, იგი არს მის მიერ.

ბ̂. სიმშჳდისათჳს და სიწმიდისა და კეთილთა საქმეთათჳს; ნეტარებისათჳს მიცემისა; მეცნიერებისათჳს და წესიერად ზრახვისა.

გ̂. სიყუარულისათჳს თჳნიერ თუალთ-ხუმისა, მსგავსად შჯულისა.

დ̂. ვითარმედ არა სარწმუნოებითა...

მთარგმნელის ბოლოსიტყვა "საქმე მოციქულთა"-ს განმარტებისათვის

დიდებაჲ და მადლობაჲ დასაბამსა და სრულებასა ყოველთა არსთასა და მიზეზსა და არა-არსისაგან მომყვანებელსა არსთა არსებისასა —ღმერთსა ჩუენსა, რომელი-იგი მარადის არს და მარადის სამგუამოვან და ერთ-არს არს, რომლისა მომადლებითა და წყალობითა, მეოხებითა წმიდისა ღმრთისმშობელისაჲთა და ყოველთა წმიდათაჲთა, და ლოცვითა ბერთა ჩუენთაჲთა სრულ-იქმნა თარგმანებაჲცა მოციქულთა საქმისაჲ, აწ ახლად თარგმნილი ბურძულისა ენისაგან, რამეთუ ვითარცა წინაჲსწარმეტყუელი...

მთარგმნელის წინასიტყვა "საქმე მოციქულთა"-ს განმარტებისათვის

ესე საქმისა მოციქულთაჲსა თარგმანი სიტყუა-სიტყუად მრავალთა თარგმნილისაგან შემოკრებულ არს და სიჴშოჲსაგან სახელები თჳს-თჳს არა ეგებოდა დაწერაჲ. ხოლო ვითარცა ზედა-წარწერილი ცხად-ჰყოფს, უმრავლესი და ყოველგან წმიდისა იოვანე ოქროპირისაჲ არს და ადგილ-ადგილღა დაერთვის სხუათაცა წმიდათაჲ, მრავალთა წიგნთაგან ერთად შეკრებული წმიდისა კჳრილეს მიერ.

დაესრულა მესამე წიგნი იოვანესი, მუჴლი ლ̂ბ.

უწყებაჲ მიზეზსა იოვანეს მესამისა კათოლიკისასა

ხოლო მესამესა ებისტოლესა თჳსსა მიუწერს გაიოსს. და პირველად აქებს ყოველთა მიერ წამებულად უცხოთმოყუარებასა მისსა და უბრძანებს, რაჲთა მასვე გულსმოდგინებასა ზედა ეგოს, და რაჲთა შეიწყნარებდეს და წარჰგზავნიდეს ძმათა. და კუალად მისსა მას შესაწირავსა შეიწირავს. ხოლო ბრალეულ ჰყოფს დიოტროფოსს, ვითარმედ: არცა იგი მისცემს გლახაკთა და სხუათა აყენებს. და მრავალსა სიცბილსა ზრახავს და იტყჳს ესევითართათჳს, ვითარმედ უცხო არიან ჭეშმარიტებისაგან და არა იციან...

თავნი იოვანეს მესამისა კათოლიკიანი:

ა̂. ლოცვაჲ სრულებისათჳს და მადლობისა აღსაარებისათჳს, სტუმართმოყუარებისა ძმათაჲსა ქრისტესთჳს.

ბ̂. დიოტროფოჲს სიხენეშისათჳს და ძმათ მოძულებისა.

გ̂. დიმიტრისათჳს, რომლისა სიკეთესა წამებს.

დ̂. მისლვისათჳს თჳსისა სარგებელად მათდა.

უწყებაჲ და სახე ძალისა და მიზეზისა წმიდისა პეტრე მოციქულისა მეორისა კათოლიკისაჲ

ეგრეთვე მეორესა კათოლიკესა თჳსსა მისწერს მათდა მიმართ, რომელთა-იგი ჰრწმენა, და მოაჴსენებს ამის მიერ პირველ მიწერილსაცა, და აუწყებს, ვითარმედ ადრე ყოფად არს განსლვაჲ მისი ჴორცთაგან, და რაჲთა მოსწრაფე იყვნენ მოჴსენებად, რომელი-იგი მიეთხრა მოძღურებაჲ.

პირველად უკუე სარწმუნოებისათჳს ასწავებს მათ და უჩუენებს, ვითარმედ წინაჲსწარმეტყუელთა მიერ ეხარა იგი, და ვითარმედ წინაჲსწარმეტყუელებანი, მაცხოვრისათჳს თქუმულნი, არა...

თავნი პეტრე მოციქულისა მეორისა კათოლიკისანი

ა̂. ჩინებისათჳს სარწმუნოებისა საქმეთა მიერ. დამტკიცებისათჳს სათნოებათაჲსა სასოებითა საუკუნეთა მათ კეთილთაჲთა.

ბ̂. მცნებაჲ მოჴსენებად მოძღურებისა შემდგომად განსლვისა მისისა, და ვითარ-იგი თაბორს ესმა ჴმაჲ მამისაჲ ძისათჳს.

გ̂. წინაჲსწარ თხრობაჲ მაცთურთა აღდგომისათჳს საცთურეანისა და მწვალებელთა უღმრთოებისა და ყოფადისა მის საშჯელისა.

დ̂. უწყებაჲ სიბოროტისათჳს მწვალებელთაჲსა უკუანაჲსკნელთა ჟამთა, რომელსა შინა იტყჳს, ვითარმედ მყისსა შინა იქმნას...

დაესრულა მეორე კათოლიკე იოვანესი, მუჴლი ვ̂, ხოლო თავნი ბ.

უწყებაჲ მიზეზსა იოვანეს ბ̂ კათოლიკისასა

ხოლო მეორესა ებისტოლესა თჳსსა მიუწერს მოხუცებული დედოფალსა და შვილთა მისთა. და ესე არს მიზეზი ეპისტოლისაჲ ამის: რამეთუ ხედვიდა შვილთა მისთა კეთილად მავალთა სარწმუნოებასა შინა და მრავალთა მაცთურთა მიმომავალთა, რომელნი იტყოდეს, ვითარმედ არა არს მოსლვაჲ ქრისტესი ჴორცითა, ამისთჳს მისწერს ებისტოლესა ამას, და პირველად აქებს შვილთა მისთა, და მერმე ასწავებს, ვითარმედ არა ახალნერგი არს სარწმუნოებაჲ ჩუენი, და მერმე ამცნებს სიყუარულისათჳს და რაჲთა არა სნეულ...

თავნი იოვანეს მეორისა კათოლიკისანი:

ა̂. შემდგომად დაწყებისა მართლისა ცხორებისათჳს, სიყუარულითა ღმრთისაჲთა და სარწმუნოებისათჳს კეთილისა და უცვალებელისა.

ბ̂. ვითარმედ არა ჯერ-არს მწვალებელისაჲ სახლსა შეყვანებაჲ, არცა მოკითხვაჲ გონებითა ვნებულითა, რომელსა შინა აღუთქუამს თჳსსა მისლვასა სარგებელად მათდა.

პეტრეს კათოლიკე ებისტოლე ა̂ დაიწერა ჰრომით სილოანეს მიერ, მუჴლი ს̂ლვ, თავნი ჱ̂, წამებანი ი̂დ.

უწყებაჲ და სახე ძალისა და მიზეზისაჲ წმიდისა პეტრე მოციქულისა პირველისა კათოლიკისაჲ

ხოლო პეტრე პირველსა მას ებისტოლესა თჳსსა მიუწერს განთესულთა მათ ჰურიათაგან მორწმუნე-ქმნილთა უფლისა მიმართ იესუ ქრისტესა, და ვინაჲთგან ჰურიაობისაგან იჯმნეს, განამტკიცებს მათ. პირველად უკუე ასწავებს და უჩუენებს, ვითარმედ ქრისტეს მიმართ სარწმუნოებაჲ წინაჲსწარმეტყუელთა მიერ იქადაგა, და მათ მიერ მოესწავა სისხლითა მისითა გამოჴსნაჲ, და ვითარმედ მათდა წარმართთა ეხარა ყოველივე, რომლისათჳს სწადის ანგელოზთა ჭჳრობად. და...

თავნი პეტრე მოციქულისაჲ პირველისა კათოლიკისანი

ა̂. ქრისტეს მიერ მეორედ შობისათჳს და მოთმინებისა განსაცდელთაჲსა და ცხორება-შემოსილისა სარწმუნოებისათჳს, წინაჲსწარ ქადაგებულისა წინაჲსწარმეტყუელთა მიერ.

ბ̂. სასოებისათჳს და სიწმიდისა. თანა-ნადებისა შვილებისა მისთჳს და კრძალულებით ცხორებისა.

გ̂. რაჲთა ღირსად შვილებისა ქრისტეს მიერისა ვცხონდებოდით და სარგებელისათჳს გარეშეთაჲსა დიდებად ღმრთისა.

დ̂. მორჩილებისათჳს მთავართაჲსა და ძმათმოყუარებისა და ღმრთისმსახურებისა, რომელსა შინა იტყჳს მონათა...

დაესრულა პირველი ებისტოლე კათოლიკე იოვანესი. მუჴლი ს̂ნჱ, თავნი ზ.

უწყებაჲ და სახე ძალისა და მიზეზისა წმიდისა იოვანე მახარებელისა პირველისა კათოლიკისაჲ

ხოლო იოვანე მახარებელი, რომელმან-იგი სახარებაჲ აღწერა, მანვე წარსცა ესე ებისტოლე მორწმუნეთა მიმართ უფლისათა მოსაჴსენებელად, და ვითარცა-იგი დაწყებასა სახარებისასა, ეგრეთვე აქა ღმრთისმეტყუელებს სიტყჳსათჳს ღმრთისა, და აუწყებს, ვითარმედ მარადის არს იგი ღმრთისა თანა, და ასწავებს, ვითარმედ მამაჲ ნათელ არს, რაჲთა ესრეთ ვცნათ სიტყჳსათჳს, ვითარმედ არს იგი ბრწყინვალებაჲ მამისაჲ. და ვითარცა ღმრთისმეტყუელა, ასწავებს,...